طريقة استقبال وضبط قمر أموس بأعلى إشارة ممكنة على أي طبق
قمر أموس 4W واحد من أهم الأقمار الصناعية اللي بتنقل بطولات عالمية زي الدوري الإنجليزي الدوري الفرنسي ودوري أبطال إفريقيا بشكل مجاني وده اللي بيخليه واحد من الأقمار اللي ناس كتير بتدور عليها النهاردة هشرح لك إزاي تستقبل قمر أموس بأعلى إشارة ممكنة وكمان إزاي ترجعه تاني على النايل سات بسهولة
أول حاجة تجهيز الطبق والتأكد من سلامة الإشارة علي قمر اموس
قبل ما تبدأ في ضبط القمر لازم تتأكد إن كل حاجة عندك تمام وده عن طريق
فتح إعدادات الطبق من الريسيفرعلي القمر الصناعي اموس
- ادخل على القائمة (Menu) التركيب Installation إعدادات الهوائي Antenna Settings
- اختار قمر أموس 4W من قائمة الأقمار الصناعية.
- حط التردد 10925 أفقي 27500 عشان نبدأ استقبال القمر
- التأكد من سلامة السلك والقطعة LNB
- لازم إشارة السلك تكون فوق 50% عشان تضمن استقبال الإشارة
- لو أقل من كده، جرب تغير السلك أو القطعة لأنهم ممكن يكونوا السبب في ضعف الإشارة
- ثاني حاجة ضبط الطبق لاستقبال قمر أموس
- دلوقتي هنبدأ نوجّه الطبق عشان نلقط إشارة قمر أموس والخطوة دي محتاجة شوية دقة
تحريك الطبق ببطء ناحية الغرب لاستقبال اشارة قمر اموس
لو الطبق مظبوط على النايل سات كل اللي عليك هو تحريكه سنة صغيرة ناحية اليسار الغرب
خلي إيدك على الطبق وحركه ببطء لحد ما تظهر الإشارة
بمجرد ما الإشارة تبدأ تزيد قف على المكان ده وابدأ تزود قوة الإشارة عن طريق تحريك الطبق شوية بسيطة
تثبيت الطبق بعد استقبال الإشارة
لما توصل لأعلى نسبة إشارة اربط المسامير كويس عشان الطبق ما يتحركش
جرب قنوات قمر أموس زي KAN 11 و KAN 33 HD عشان تتأكد إن الاستقبال سليم
ثالث حاجة تحويل الطبق بين أموس والنايل سات بسهولة
بعد ما استقبلنا قمر أموس ممكن ترجع تاني للنايل سات بسهولة بدون ما تضبط الطبق من جديد وده بيتم عن طريق
تحريك الطبق سنة صغيرة جدًا ناحية اليمين الشرق
اختبار قنوات النايل سات زي قناة "On Drama أو DMC للتأكد إن الإشارة رجعت
لو الإشارة ضعفت حرك الطبق بدقة لحد ما توصل لأعلى جودة إشارة للنايل سات
رابع حاجة حل مشاكل ضعف الإشارة وعدم استقبال القمر
- لو واجهتك أي مشكلة أثناء استقبال أموس جرب الحلول دي
- الإشارة ضعيفة أو مش موجودة
- تأكد إنك على التردد الصحيح للقمر
جرب تحريك الطبق ببطء شديد لأن فرق الاتجاه بسيط جدًا بين النايل سات وأموس القنوات مش شغالة بعد استقبال الإشارة
اعمل بحث جديد للقنوات من إعدادات الريسيفرلتنزيل جميع القنوات علي الرسيفر
جرب تغيير الريسيفر أو تحديثه لأن بعض الريسيفرات بتحتاج تحديثات جديدة لاستقبال القنوات المشفرة
قمر أموس Amos يُعتبر من الأقمار الصناعية المميزة لعشاق الرياضة حيث يضم مجموعة من القنوات الرياضية التي تبث العديد من البطولات والدوريات العالمية. من أبرز هذه القنوات هي باقة سبورتSport التي تشمل القنوات من سبورت 1 حتى سبورت 6
الان يمكنك مشاهدة فيديو الشرح ضبط اشارة قمر اموس
لاتنسي الاشتراك في قناة اليوتيوب لمشاهدة المذيد من الفيديوهات اضغط هنا 👉👉
ترددات قنوات الرياضيه والافلام على قمر أموس Amos
| القناة | التردد | الاستقطاب | معدل الترميز |
|---|---|---|---|
| سبورت 1 HD | 11103 | عمودي V | 30000 |
| سبورت 2 HD | 11091 | عمودي V | 30000 |
| سبورت 3 HD | 11091 | عمودي V | 30000 |
| سبورت 4 HD | 11091 | عمودي V | 30000 |
| سبورت 5 HD | 10805 | عمودي V | 30000 |
| سبورت 5 لايف HD | 10805 | عمودي V | 30000 |
| سبورت 5 ستارز HD | 10805 | عمودي V | 30000 |
يرجى ملاحظة أن استقبال هذه القنوات قد يتطلب جهاز استقبال يدعم نظام الشيرنج حيث أن بعض هذه القنوات مشفرة وتحتاج إلى اشتراك خاص كما يُفضل تحديث قائمة الترددات بانتظام نظرا للتغييرات المستمرة التي قد تطرأ على ترددات القنوات
قناة KAN 11 HD
التردد: 11647 أفقي 27500
بتنقل بعض مباريات دوري أبطال أوروبا والمباريات الدولية
قناة KAN 33 HD
التردد: 11054 عمودي 27500
بتنقل بعض البطولات الأوروبية والعالمية
قناة Sport 5 HD
التردد: 10842 أفقي 27500
بتنقل بطولات الدوري الإنجليزي والإسباني والإيطالي
قنوات أخرى شغالة على قمر أموس
قناة Hala TV بتعرض محتوى ترفيهي وأفلام.
قناة Yes Movies HD – بتعرض أفلام أجنبية بجودة عالية
ملاحظة بعض القنوات دي مشفرة ولو عايز تفتحها ممكن تحتاج شفرات BISS أو سيرفر شيرنج
كده خلاص ظبطنا قمر أموس بأعلى إشارة وتعلمنا إزاي نرجع النايل سات بسهولة بدون ما نحتاج لفني لو طبقت الخطوات دي صح هتقدر تستمتع بمشاهدة أقوى المباريات مجانًا
لو عندك أي استفسار أو مشكلة، سيب تعليق وهساعدك فورًا