ضبط قمر أموس مع النايل سات
النهارده هنتعلم إزاي نظبط قمر أموس مع النايل سات على نفس الطبق وده لأن قمر أموس عليه بطولات عالمية زي الدوري الإنجليزي الإسباني الفرنسي وأمم إفريقيا وبيذيع الماتشات مجانًا فبدل ما تركب طبق لوحده لأموس تقدر بكل بساطة تستقبله مع النايل سات من غير أي مجهود
أول حاجة لازم يكون عندك الأساسيات دي لضبط قمر اموس
- طبق مظبوط أصلًا على النايل سات
- قطعة LNB إضافية لاستقبال قمر أموس
- سلك كويس عشان الإشارة تكون قوية
- لزق قوي أو كرتونة صغيرة لتثبيت القطعة الجديدة
إزاي نستقبل أموس مع النايل سات
الطبق ده مظبوط أصلًا على النايل سات وعشان نظبط أموس عليه مش هنحتاج نحرك الطبق ولا نستخدم مسطرة ولا حاجة كل اللي عليك تعمل الخطوات دي بالظبط
1 توصيل القطعة الإضافية
هات أي سلك عندك ووصّله بالقطعة الجديدة اللي هتستقبل بيها قمر أموس القطعة الأساسية هتفضل زي ما هي إحنا بس بنضيف القطعة التانية جنبها
2 التأكد من الإشارة
قبل ما تثبت القطعة، لازم تتأكد إنها شغالة والإشارة فيها تمام
افتح الريسيفر وروح على القائمة Menu التركيب Installation إعدادات الهوائي Antenna Settings
ادخل تردد قوي زي 10925 أفقي - 27500
لو الإشارة عندك فوق 50% يبقى السلك والقطعة تمام لو أقل يبقى عندك مشكلة فيهم
3 تثبيت القطعة على الطبق
بعد ما تأكدت إن القطعة شغالة هتعمل الآتي
- هتحط القطعة الإضافية في الجانب اليمين لو إنت واقف قدام الطبق
- هتثبتها جنب القطعة الأساسية للنايل سات، لكن بزاوية خفيفة شوية
- استخدم لزق قوي أو كرتونة صغيرة عشان تربط القطعة في مكانها
اختبار الإشارة والتأكد من القنوات
بعد ما ثبتنا القطعة نروح للريسيفر ونشوف الإشارة
.png "فتح قنوات اموس المشفرة تردد قناة هلا على قمر اموس تردد قمر اموس قنوات قمر اموس ضبط قمر اموس على الرسيفر استقبال قمر اموس على طبق 70 تركيب اموس")
لو الإشارة أعلى من 50% يبقى تمام.
لو أقل حرك القطعة سنة صغيرة لحد ما توصل لأعلى نسبة.
جرب قنوات KAN 11 و Sport 5 HD لو شغالة يبقى استقبلت القمر صح
القنوات الرياضية والافلام الاكشن والمسلسلات اللي شغالة على أموس
| القناة | التردد | الاستقطاب | معدل الترميز |
|---|---|---|---|
| 📺 قنوات الرياضة على قمر أموس | |||
| سبورت 1 HD | 11103 | عمودي (V) | 30000 |
| سبورت 2 HD | 11091 | عمودي (V) | 30000 |
| سبورت 3 HD | 11091 | عمودي (V) | 30000 |
| سبورت 4 HD | 11091 | عمودي (V) | 30000 |
| سبورت 5 HD | 10805 | عمودي (V) | 30000 |
| سبورت 5 لايف HD | 10805 | عمودي (V) | 30000 |
| سبورت 5 ستارز HD | 10805 | عمودي (V) | 30000 |
| 🎬 قنوات الأفلام والمسلسلات على قمر أموس | |||
| Yes Movies HD | 11258 | أفقي (H) | 27500 |
| Yes Action HD | 11190 | أفقي (H) | 27500 |
| Yes Drama HD | 11076 | أفقي (H) | 27500 |
| Yes Comedy HD | 10925 | أفقي (H) | 27500 |
| Hala TV | 10842 | أفقي (H) | 27500 |
نصائح تضمن لك إشارة أقوى وثابتة لقمر أموس مع النايل سات
بعد ما ضبطت قمر أموس مع النايل سات ممكن تلاحظ إن الإشارة ضعيفة شوية أو مش ثابتة، عشان كده هقولك شوية حلول ذكية هتساعدك تخلي الإشارة أقوى وما تفقدهاش بسهولة
1- استخدم سلك عالي الجودة وما تبخلش فيه
السلك الرخيص بيضعف الإشارة وبيسبب تشويش وتقطيع في القنوات فالأفضل تختار سلك RG6 الأصلي عشان تستقبل الإشارة بأعلى جودة من غير مشاكل
2- ثبت القطعة LNB كويس وما تسيبهاش مهزوزة
بعد ما تحط القطعة الإضافية لاستقبال أموس لازم تثبتها بطريقة صحيحة يعني
استخدم لزق قوي أو قاعدة بلاستيك عشان ما تتحركش مع الرياح
اتأكد إنها مش ميلة بزيادة، لأن أي اهتزاز ممكن يخلي الإشارة تختفي فجأة
3- اضبط زاوية ميل القطعة Skew Angle بدقة
زاوية ميل القطعة بتفرق جدًا في قوة استقبال الإشارة فبعد ما تثبت القطعة على الطبق
حركها لفوق أو تحت شوية لحد ما توصل لأعلى نسبة إشارة
راقب التغير في قوة الإشارة على الريسيفر، وعدّل الزاوية لحد ما توصل لأفضل نقطة
4- خلي الطبق في مكان مفتوح وما يكونش فيه حاجات عائقاه
لو الطبق في مكان فيه حواجز زي جدران أو شجر عالي ده ممكن يخلي الإشارة ضعيفة أو متقطعة، فالأفضل إنك
تركب الطبق في مكان مفتوح على سطح البيت أو البلكونة بحيث يكون اتجاهه واضح للسماء
لو فيه عوائق قريبة منه جرّب تحريكه شوية عشان يكون في وضع أفضل لاستقبال الإشارة
يمكنك مشاهدة فيديو شرح ضيط اشارة قمر اموس مع النايل سات 👇👇
لا تنسي الاشتراك في قناة اليوتيوب 👉👉
دلوقتي تقدر تستقبل قمر أموس مع النايل سات بسهولة ومن غير ما تحتاج طبق إضافي ولا مسطرة ولا حاجات معقدة كل اللي عليك تركب القطعة الإضافية في الجنب اليمين وتظبطها كويس، وتضمن إن السلك والإعدادات تمام.
طريقة ضبط القمر الصناعي نايل سات باعلي اشارة ممكنه علي اي طيبق
لو نفذت الخطوات اللي فوق هتستقبل القمر بإشارة قوية وهتقدر تشوف أهم البطولات العالمية ببلاش
لو عندك أي استفسار أو واجهتك مشكلة سيب تعليق وأنا هرد عليك فورً